Skip to content Skip to sidebar Skip to footer

Shalom! 

Uyu musi tugiye kuraba ibituma tudakwiye gutinya.

1. Iman’iri kumwe natwe.

Yesaya 41:10a ntutinye, kuko ndi kumwe nawe ;

Kubaho kw’Imana ( sa présence) kurakwiye gutuma tudatinya kuko ibibazo vyose vyokwaduka turi mû rugendo, Iman’ibifitiye inyishu.

Kuvayo 14:15&16 Uhoraho abaza Mose, ati N’iki gitumye untakira? Barira Abisirayeli bakomeze bagende. 16 j Nawe umanike inkoni yawe, uramvure ukuboko hejuru y’ikiyaga, ugitandukanye: Abisirayeli bace hagati mu kiyaga nko ku musozi .

Ab’Isirayeli bashitse imbere y’ikiyaga gitukura, Farawo n’ingabo ziwe bari inyuma yabo, Imana kuko yari ihari yabaciriy’inzira mû kiyaga, ahar’ubwoba hahinduka indirimbo y’ishimwe.

Kuvayo 15:1 Maze Mose n’Abisirayeli baririmbira Uhoraho iyi ndirimbo,
bati Ndaririmbira Uhoraho, kukw ari n’intsinzi y’agahebuza.
Ifarasi n’uyigenderako yabinuze mu kiyaga.

2. Kuko tur’ab’Imana.

Yesaya 41:10b ntukihebure, kuko nd’ Imana yawe :

Kwibuka kwonyene ko tur’ab’Imana kurakwiye kugira ntitwihebure. Tur’ab’agaciro imbere y’Imana yacu ku buryo itokwemera ko Satani adukura mû kuboko kwiwe kw’Inkomezi.

Yohana 10:27-29 Ababaye intama zanje bumva ijwi ryanje, nanje ndabazi, na bo barankurikira, 28 t kandi nanje mbaha ubugingo budashira, nta ho bazokwigera bapfa rubi gushitsa ibihe bidashira, kandi nta wushobora kubanshikura mu kuboko kwanje. 29 Data yabampaye ni we aruta bose; nta wushobora kubashikura mu kuboko kwa Data .

Ico dukwiye kurondera imisi yose, n’ukuguma ku ruhande rw’Imana kuko hari isezerano rya ” Ntutinye” incuro 366 muri Bibiliya, vyumvikana ko umusi wose wo mû mwaka, ufise ntutinye wawo.

N’uyu musi ntitinye!

Umusi mwiza! 

Pasteur Cassien NIKO 

 764 total views,  2 views today

Leave a comment