Shalom!
Twakiran’umunezero iyinga rishasha Imana idushikanyeko.
Iri yinga tukaba tugiye gusuzuma ko ata kindi kintu twoba tubangikanije n’Imana yacu.
Kuvayo 20:1-6 “Imana ivuga aya majambo yose, 2 b c iti Nd’ Uhoraho Imana yawe, yagukuye mu gihugu ca Egiputa, mu nzu y’ubuja.3 d Ntukagire izindi mana umbangikanya. 4 e Ntukibazire igishushanyo, cank’ igisa n’ishusho y’ikintu na kimwe kiri hejuru mw ijuru, canke hasi kw isi, canke mu mazi yo mu biyaga; 5 f ntuz’ uvyikubite imbere, ntuz’ ubisabe, kuko jewe Uhoraho Imana yawe nd’Imana ifuha, mpora abana ibigabitanyo vya ba se, nkageza ku runganwe rugira gatatu no ku rugira kane rw’abanyanka, 6 g nkagirira ikigongwe abankunda, bakitondera ivyagezwe vyanje, nkageza ku runganwe rwabo uko ruzogenda rukurikirana gushitsa igihumbi.“
Imana yacu iradukunda cane kandi irafuha. Kandi natwe iduhamagarira kuyikundisha Imitima yacu yose.
Matayo 22:38-38 “Aramwishura, ati Mukundishe Uhoraho Imana yanyu imitima yanyu yose n’ubugingo bganyu bgose n’ubgenge bganyu bgose. 38 Iryo ni ryo rihambaye rya mbere.“
Iyo rero imitima yacu tuyihindukirije ku bindi bintu tukabikundam kuyirusha birayibabaza cane!
Reka iri yinga rize ritubere urugenda rwo kwisuzuma kugira dukure mû mitima yacu ikintu cose cotuma Imana ibabara.
Umusi mwiza n’indwi nziza!
Pasteur Cassien NIKO
