Shalom !
Turashim’Imana kubw’iyi ndwi nshasha dutanguye.
Iyi ndwi tugiye kurabira hamwe ibanga ryo kuzigama ukwizera.
2 Timoteyo 4:7 “narwanye intambara nziza, narangije urugendo, nazigamye ukwizera.”
Ukwizera n’ikintu gikomeye mû buzima bw’umukristo ku buryo agutakaje aba adasubira guhimbara umutima w’Imana.
Abaheburayo 11:6 “kand’ utizera ntibishoboka kw ayihimbara ; kuk’ uwegera Imana akwiye kwizera yukw iriho, igaha impera abayirondera.“
Dusab’Imana idutahuze iri banga kuko tugeze mû gihe na Yesu ubwiwe yagizeko amakenga kuvyerekeye ukugumana ukwizera
Luka 18:8 “Ndababgira yukw izorubacira vuba. Arik’ Umwana w’umuntu ni yaza, mbeg’ azosanga ukwizera mw isi ?
Dusab’Imana iri yinga dusobanukirwe iri banga.
Umusi mwiza n’indwi nziza!
Pasteur Cassien NIKO