Shalom!
Ibituma dukeneye ko ijambo ry’Uhoraho riza ku buzima bwacu.
1. Riduza ukwizera kwacu.
Itanguriro 15:6 “Yizera Uhoraho, Uhoraho abimuharurako nk’ukugororoka.“
Kwumva ijambo ry’Uhoraho bifise ubushobozi bwo kuduza ukwizera kwacu.
Abaroma 10:17 “Nuk’ ukwemera kuva ku kwumva, n’ukwumva kuzanwa n’ijambo rya Kristo.“
Nimba dukeneye gukomera mu kwizera , amatwi yacu tuyahe akaryo ko kwumva ijambo ry’Uhoraho kenshi gashoboka. Kuko ukwo kwumva no kuzirikana kw’ijambo ry’Uhoraho, bihindura ivyiyumviro vyacu, guhindura ivyiyumviro nakwo bikaduha imitima misha kandi uko niko guhinduka kudushoboza gukora ivy’Imana ishaka, tukaba abagororotsi imbere y’Imana.
Abaroma 12:2 “Ntimushushanywe n’ivy’ iki gihe, yamara muhinduke rwose, mugize imitima misha, kugira ngo mumenye neza ivy’ Imana igomba, ni vyo vyiza bishimwa, bitunganye rwose.“
Iman’idushoboze gukunda kwumva ijambo ry’Uhoraho kugira twamane ukwizera muri we niho tuzoyihimbara.
Ahabeburayo 11:6″kand’ utizera ntibishoboka kw ayihimbara; kuk’ uwegera Imana akwiye kwizera yukw iriho, igaha impera abayirondera.“
Umusi mwiza !
Pasteur Cassien NIKO
Receive Jesus
Receive forgiveness
Receive eternal life
Receive the gift of the Holy Spirit
