Shalom!
Ibiranga ibihe vyo kwibukwa. Igice ca 2
2. Haba gutahura gushasha.
Ivyakozwe n’Intumwa 10:34-35 “Petero yanzika kuvuga, ati N’ukuri ni ho nkimenya yukw Imana itarobanura abantu ku butoni,35 k ariko mu mahanga yose uyubaha, agakora ivy’ ukugororoka, iramwemera.“
Koruneliyo amaze kubwira Petero ingene Imana yamuhuje nawe, Petero yaronse ugutahura gushasha ko Imana ishobora kurobanura n’abandi atari abayuda, ko Imana yemera uw’ari we wese ayubashe, itarobanura ku butoni.
Petero ariko yigisha abo kwa Koruneliyo Mpwemu Yera yaciye abuzura, abari kumwa na Petero baratangara kubona ko n’abanyamahanga nabo buzura Mpwemu Yera.
V44-45 “Petero akivuga ayo majambo, Mpwemu Yera aramanuka, aja ku bariko barumva iryo jambo bose. 45 Abizeye bo mu bakebge barumirwa, abazananye na Petero uko bangana, kuko n’abanyamahanga na bo basutswekw ingabire, ari yo Mpwemu Yera.“
Reka natwe ukwibukwa kwacu kutujane gutahura ibishasha tutari tuzi ku Mana, turushirizeho kuyimenya, dushinge intahe nka Yobu.
Yobu 42:5 “Nari narumvishije ivyawe ugutwi, Ariko noneh’ ijisho ryanje rirakwiboneye.“
Umusi mwiza!
Pasteur Cassien NIKO
Receive Jesus
Receive forgiveness
Receive eternal life
Receive the gift of the Holy Spirit
