Shalom!
Ibigaragaza umwidegemvyo ufatiye ku gutahura igihe.
1. Guserura ukuri kwari kwagizwe ibanga.
Esiteri 2:10-11″10 Kandi Esiteri nta ho yigeze aserura ubgoko bgabo ubg’ ari bgo, cank’ umuryango wabo: kuko Moridekayi yari yaramwihanije kutabivuga. 11 Kandi Moridekayi yahora agendagenda uko bukeye inyuma y’urugo rw’inzu y’abigeme, kugira ngw amenye Esiteri uko yaramutse n’ukw ameze.”
Esiteri, mû gihe co guhiganwa n’abandi bakobwa yari yabwiwe kutavuga ubwoko bwiwe kandi aravyubahiriza.
Ariko igihe kigeze c’ubutoni imbere y’umwami, yaciye ashira ahabona ico bapfana na Moridekayi kugira asubizwe mû gishingo ca Hamani.
Esiteri 8:1-2 “Kur’ uwo musi nyene umwami Ahasuwerusi agabira umwamikazi Esiteri urugo rwa Hamani umwansi w’Abayuda. Maze Moridekayi aseruka imbere y’umwami; kuko Esiteri yari yavuze ico bapfana. 2 b Umwami aca yiyambura impeta, iyo yari yatse Hamani, ayiha Moridekayi. Maze Esiteri ashikiriza Moridekayi urwo rugo rwa Hamani.”
Igihe co kwemererwamwo iyo cashitse, haba n’umwidegemvo wo gushira ahabona ivyari vyaragizwe ibanga kuko kiba ari igihe co kugirirwa neza!
Akenshi abantu bagendana ibintu babuze aho babivugira, Imana izane ku buzima bwacu akaryo, ikibanza co n’abantu bo, aho umuntu yidegemvya kuvuga akari ku mutima.
Umusi mwiza!
Pasteur Cassien NIKO
