Shalom!
Akamaro ko kugira umunezero w’agakiza. Igice ca 4
4. Utuma umuntu agira amagara meza.
Imigani 17:22 “Umutima unezerewe n’umuti ukiza, Arik’ umutima usavye wumisha amagufa.”
Umuganga Dr Davidson yakoze ubushakashatsi yerekana ko abantu bafise umunezero bagira ukubaho neza, bafise amahirwe menshi yo kutarwara indwara z’umutima.
Ikindi kigira kabiri, iyo umutima unezerewe, mu maso h’umuntu haraca n’abari iruhande yiwe bakagubga neza kuko uwo muntu aca agira imigenderanire myiza n’ibimukikije( abantu n’ibintu)
Imigani 15:13 “Umutima unezerewe ukesha mu maso, Arik’ umubabaro wo mu mutima usavya umushaha.“
Umunezero nk’uyu nta kindi kiwuzana atari ijambo ry’Imana. Uko turyakira mu mitima yacu niko twuzura ubuzima bw’umunezero.
Yeremiye 15:16 “Amajambo yawe yarabonetse, ndayarya; kand’ amajambo yawe yambereye akanyamuneza n’ibihimbaro vy’umutima wanje: kuko nitiriwe izina ryawe, Uhoraho Mana Nyen’ ingabo.“
Dukunde ijambo ry’Imana, imitima yacu yuzure umunezero, tubeho ubuzima bw’abahiriwe!
Umusi mwiza !
Pasteur Cassien NIKO
48 total views, 1 views today
